Renungan

Tinting hamauliateon………
Robinson Siburian.
Marragam do angka hagiot ni daging di angka na tua tua naparjolo di Huta nami BTB Muara. Ima angka Hagiot naso pola domube tu roha ni angka dongan ama nuaeng, tarsongon angka namaronan, anggo angka ama halak hita sinuaeng tung nalosok hian do rohana lao mangihuthon, manang holan manaruhon pardi jabuna lao tu onan, tu magon do marnonang dohot angka dongan na ama di lapo.

Alai andul do tu na adong sada ama ama na di Huta nami na parjoloi songon pangalaho ni ompu Hapodea dohonon : sai di hasomalhon ompu ni si Hapodea dolion do ibana laho maronan, manggadis hasil ni suan-suanan na, dohot manuhor angka na porlu di rumatangga na painte masa onan saminggu nai.
Songoni ma sada tingki ( Jumat onan di Balige) Borhat do ompu ni si Hapodea doli maronan tu Balige mamboan boniagana, Hatop do antong lakku boniaga ni ompu si Hapodea doli jala hatop ibana manuhor angka situhoron na, gambas, minyak lampu, minyak makan dohot timbahona / harotas parisapan hasoloman ni rohana.

Di na mulak ibana sian onan Balige sahat ma toho di tao ni tarabunga ro ma udan naso hasaongan, dohot alogo marhaba-haba jala laos menggol-enggol makapal dalan nai di luahon umbak na gogoi pola do naeng lonong kapali, songoni angka panompang ni kapal I masa ma angka angguk bobar, adong na martangiang, adong na marende huria mangido tu Tuhani asa di pasohot nian alogo haba-haba I . songoni do ompu ni sia Hapodea doli martangiang tu Tuhan I, jala marjanji do ibana di bagasan tangiang na : MOLO PALUA ON MU DO AHU SIAN PARMARAAN ON TUHAN, ANGGO HORBONGKU TUNGGAL NA SASADAI BAHENON HU MA I GABE PELEAN NAHUSSUS DI JOLOM.ima janji ni ompu si Hapodea doli di tangainang na ala toho adong sada horbo na tunggal. Dung sahat ompu ni Hapodea doli di bagas na pola do logam-logam on ibana marningot parmaraan na masa andorang di kapal dope nasida di taoni tarabunga.
Di paboa ma tu ompu ni si Hapodea boru angka namasa I dungi di jomput ompu ni Hapodea boru ma boras pir tu si manjujung na jala huhut di dok pir ma tondi ni parhalangulunghon, daoma songgot-songgot ninna ompu ni Hapodea boru . dung simpul na manjomput boras pir tu ma simanjujung ni ompu Hapodea doli didok ibana ma tu ompu si Hapodea boru :
Inang, nangkaning di masa parmaraan I marjanji do ahu di bagasan tangiang hu anggo horbonta tunggal nasasada I bahenota ma I gabe pelean na hussus diadopan I Tuhani marhite-hite huriana.
Ompu ni Hapodea boru mangalusi : bah ……. Ai tudihani Tuhan I horbo mi huroa??
alai nang pe songoni ala naung marjanji ho tu Tuhani ahu pe annon manggadis horbonta I tu Balige , dohot pasahathon hamauliateon ni rohanta tu hurianta ala naung di palua Tuhan I ho sian parmaraan.
Dung jumpa arionan jumat tibu do di togu ompu ni Hapodea doli horbo na I tu kapal laho gadis on ni inanta annon tu Balige nina rohana, jala sian naso pamotoanna ditangkup ompu ni Hapodea boru do sada jambe nabolon, mira sialtong diboan ma I tu onan Balige. Dung sahat tu onan Balige ro ma tokke horbo mangarga horboni ompu Hapodea boru, ai sadia ma inang argani horbo muna on ??
Ompu si hapodea boru: Ia horbonghon amang ingkon sahali manggadis do on dohot manuk jambe na bolon on, horbo on argana amang RP 150.000,- do, alai jambek hu na bolon on argana RP 8.000.000,- ma ninna ompu Hapodea boru.
Jadi songoni ma argani na sapaket I, dioloi tokke horbo I ala nunga mura di rohana dipasaut tokkei ma I lengkap dohot kwitansina ; HORBO TUNGGAL RP 150.000,- DOHOT JAMBE NA BOLON RP 8.000.000,- . Las rohani ompu Hapodea boru ala naung lakku boniagana, jala hohom ma ibana laho tu bagas pangula ni huria pasahathon hamauliaateon keluarga ni ompu Hapodea.
Dapot ari mingguna martinting ma si jaha tinting di gareja :
DI JALO HURIANTA DO HAMAULIATEON SIAN KELUARGA NI OMPU HAPODEA, ALA MALUA NASIDA SIAN PARMARAAN GODANG NA SADA ARGANI HORBO TUNGGAL RP 150.000,-
OMPU HAPODEA DOLI ?????????$$#$#%%%%%
RUAS ????????????????#####%%%%%%%