NGA DI AT NUK I ? ;;;NGA LANG MAAA

Tompu taringot tu hasomalan manang rutinitas andorang mulai sian SD sahat tu SMU ditingki dihuta di jolo ni damang dainanga) Dungo pukul opat manogot laho mandior gambiri pakke lampu teplok, alana holan batang (pohon) na ido na marnampunasa anggo parbuena sude do nampunasa, manang na ise ma parjolo mandior ibana ma nampunasai, songon i aturan naso tarsurat di huta nami batu binumbun.

pukul 5.30 lao maridi tu pasir (tao) huhut mamboan ember laho inganan ni mual boanon tu jabu boratna hira2 30kg, alai boi do huntion i marsideang (dijunjung di kepala tampa di pegang)

C) dainang dungo pukul 5 huhut manghodohon pangalompaan ni gadong, asa adong tugo manogot dungi rampak manggadong ma dohot anggi niba andorang so lao tu parsingkolaan, alai dung SMP ndang pola be rap manggadong, niboan nama gadong dibagas plastik asa adong allangon huhut mardalan lao tu parsingkolaan jala molo so habis niba manogot i, ni tabunihon ma tu ramba ramba i, asa adong allangon dung mulak sian singkola, ala daoni parsingkolaan nami sian batu binumbun tu lobu tangga hira hira 6km mardalan pat

D) jam 2.30_/+ sahat di jabu mulak sian singkola dungi nisigatan ma hudon pangalompaan ni indahan, hape nunga adong di si pesan ; HATOP HO RO TU BALIAN AMANG DA, BOAN NAPU(PUPUK KANDANG )NA DIPUDU RUMA I, DOHOT HUDALI. songoni ma tona ni dainang di surat diharotas di ginjang ni indahan i.

e) molo ukkuran mulak sianbalian ndang adong na menetap olodo jam 6 sipatata jam 7 ala jenek do sian ladang tu tao laos sian i ma iba martuaek, tontong mamboan ember laho inganan ni mual alai dainang tontong jumolo mulak sian balian laho mangalompa sipanganon borngin. Hea do disada tingki nunga martahi hami dohot anggikku dohot inong asa borngin i, laho maneat manuk , hape ndang boi ditangkup inong manuk i huroa gabe ndang jadi dipatupa inong, mulak ma hami sian partuaekan hira2 pukul 7.30 roma anggikku manungkun inonganggi: MA, NGA DI AT NUK I ? (Oma nunga jadi di seat manuk i?)Inong: NGA LANG MA ! (Nunga allangkon ma)Hape ndang jadi dipatupa inong gabe mardandi ma anggikki disampathon ibana ma laman na mandar tu tataring gabe masurbu ma mandar i.

F) holan ditikki musim marparbue do mangga, asa adong boi uang jajan ipe tahe na marsimokkel do iba, molo holang do bonani mangga i sian jabu holan lba ma laho dohot panjakkit andorang dibona ni manggai ido pe nunga nipillitan na umbagak nai hira sa hirang mintor nitaruhon ma i tu tokke sian naso pamotoan ni dainang.anggo sian na ni ula bersama do rupani isarani, hasil ni bawang, kassang, eme hasil sian balian, dohot hasil ni gambiri na ni dioran ipe tahe, dohot sian hasil ni pahan pahanan ingkontu kas besar do i di pa pungu dainang. Asa adong tamba tamba ni uang jajan ari minggu, jolo lao ma iba marsirimbang gadison ma i tu parrengge rengge adong dihuta nami tingki i op.jaturlen adong ma jajan niba lao marbola dohot dongan mangalo par huta naasing. Ai molo pinangido hepeng sian ompung borukku mintor tarus ( nennen ) na do di pahure, huhut didok nion nion nion na gadis asa adong hepengmu ninna hahahahaa.Taringot iba alani angka na margellengon nuaeng. Ndang tarpatudosbe ate angka dongan , parngoluon niba na uju i, tu angka ianakkon niba nuaeng aaaaaaa taheeeeeee......Imajolo taringot tusi ate , nga gabe songon na peret ilukku angka dongan.

BUAT TUA NI PASU PASU I BORNGINON AMANG DA

Mangarimangi, manginongi, manungir nungiri jujur ngolu ni parrumatanggaonta dibagasan na 21 taon on, tohomai tutu tgl 22 agustus 2013 on.Hasian, boru ni rajakku, boru panjaitan nalagu toho tanggal 22 Agustus 1992, 21 taon naung salpu ditingki i ma hita tarpasu pasu di sada huria na metmet gareja katolik Batubinumbun huta nami nauli i. Holan tarpasu pasu digareja i do naboi tarpatupa damang dohot dainang ujui pahothon parrumatanggaonta alani sibahenon na nasoada, alai ias do roham nang ppe holan tarpasu pasu hita dohot ulaon na metmet di jabu.

 Sada naso boi tarlupahon au dunghon sidung ulaon arian i, nunga loja hita, dohot angka tondongta, lao ma ho jumolo tu bilut podomanta, alai anggo au manghata hata i dope dohot angka si solhotta sahat tu jam 12 borngin, hape tarsunggul ma dainang pangintubu sianpodomanna dijou ma ahu nanget huhut di husiphon tu au nanget ninna; INGKON BUATON MU DO TUA NI PASU PASU I BORNGIN ON AMANG DA!. Hahaaaandang huantusi aha lapatan ni husip husip ni dainang i tingki i, lokma angka panjaha naburjui mangarangrangi dibagasan rohana be alana tobok dope pikkiran niba tingki i, hehehee.

Boru panjaitan, .........parbue ni dosni rohatta i nunga dibasa basahon Amanta Pardenggan Basai dihita 6 dakdanak dua mai anak baoa, opat boru, sihamauliatehononta lumobi tu Debata ditambani angka pasu pasu na balga naung tajalo sian Tuhan.Antong ahama si ulaonta lumobi ma laho parmudu mudu, pasikkolahon angka ianakhonta, hasian na lagu, .....tontong ma hita martangiang mangido tu Tuhan na basa i dipangaramotion dohot pangurupion Na, asa hipas hipas hita laho marmudu mudu angka gellengta on.

Ia poda ni natua tuanta mandok, ndang adong na tammat anggo namarrumatanggaon hasianku, alani i hape marsiajar ma hita torus, ido naung taulahon dibagasan na 21 taon on marsiajar, marsiajar pature ture ruma tangganta.Ito hasian diparsikkolaanta nametmet on diparruma tangga on ta, ndang dung dope hea di bahen ho hassit rohangku, songoni ma nian nang ahu huharingkothon do asa unang adong hansit ni roham hubahen, antong marsiamin aminan ma hita songon lampak ni gaol marstungkol tungkolan songon suhat di robean, martangiang hita tu Tuhan asa songon nidok ni natua tua; Pinantikhon hujur di topi ni tapian, ia tusi hita mangalangka sai dapot parsaulian. Eeeeemmmmmaaaaa tutuuuù...